وكيل شيفرولية في الرياض يستخدم عبوة زيت ناقل الحركة في تعبئة زيت المحرك

3547
27
@Hatem Alkhathlan

0112

رغم الأساليب الجديدة التي بدأت تطبق لدى وكلاء السيارات حول العالم بمتابعة العميل لسيارته أمامه خلال إنتظاره أثناء الصيانة الدورية, إلا أن هنالك الكثير من الوكلاء مازالوا يرفضون هذه الأساليب, بهدف إخفاء طريقة عملهم التي ربما تكون مخالفه لدى البعض.

فقد حصلنا على صورة من عميل لأحد وكلاء شيفرولية في السعودية, تفاجأ بإستخدام عبوة زيت ناقل الحركة, وقصها من الأسفل لإستخدامها في تعبئة زيت المحرك في سيارته من نوع شيفرولية كمارو 2012.

هذه الطريقة قد تتسبب في دخول الشوائب داخل المحرك, والغريب بالأمر أن الفني كان يقوم بذلك أمام العميل, وماخفي كان أعظم.

 

عن الكاتب

مؤسس سعودي شفت، مهتم بكل مايتعلق بالسيارات.

27 تعليقات

  1. صراحة مصخوها الوكالات من جد لازم يوضع لهم احد
    تخيل معي كمارو واشوفه يسوي كذا قسم لا اتوطأ ببطنه

     
    1. ان كنا سنتحدث بأن الوكالات (مصخوها ) وتنتظرون احد يغير اوضاعكم فترونها بعيده بعد السماء عن الأرض ..لن يغير الوكالات الا الله ثم انتم ..
      ليش ماتروح تسوي الصيانه عند اي بنشري ؟ ليش ف الوكاله ؟ يعني تبي تقولي شغل نظيف ولا عشان الضمان !!! مع احترامي لك ولكن مامخليهم مستمرين في جشعهم الا انت.. ياخي روح غيرها ف بترومين ..كل الاسعار معقوله وشي كويس اما اني اروح ادفع للوكاله مايقارب 600 الى 800 عشان يصب لي زيت ويغير فلتر المكينه فهذا كلام فاضي ..
      اذا اشتريت سياراتك وكان فيها غلط مصنعي راح يصلحونه غصب عنهم ورجولهم على وجيههم بعد حتى ولو مانتظمت ف الصيانات واصلا مايقولون هذا الكلام الا عشان يرغمونك انك تسوي الصيانه عنهم ..

      انا كنت من هذي النوعيه كنت خايف ع سياراتي واروح الوكاله والله كانوا ياكلوني بعظامي رغم ان سيارتي هونداي النترا الا ان اسعار الصيانات كانت بين الـ 400 الى 600 وتوصل احيانا ل 1000 ريال !!! وسحبت عليهم وسرت اسوي كل هالاشياء عند البنشري ب 60 الى 70 ريال !
      فكروا فيها ولا تخلون احد يضحك عليكم .. 🙂

       
      1. كلامك ليس له اي معنى وشكر

         
      2. هههههههههههه يبو اذا الوكاله كذا البنشر وشلون ها اسأل مجرب يبوي لازم يخربون شيء

         
      3. يا حبيبي موب كل الناس مثلك معهم هونداي النترا
        هونداي النترا اسوي صيانتها بالحوش
        بس معك سيارة غالية وجديدة وعليها ضمان لازم تلتزم فيه
        عشان لو يخرب اي شي لاسمح الله يقبلون يصلحونه لك

         
  2. ياخي اذا ما كان عليهم هيئه للمعايير والجوده عندنا نقدر نراجع الشركه الام , ما اظن ان جنرال موتورز بتخاطر بسمعتها عشان الجميح او غيره , انصح اي واحد شاف عيب من اي وكاله انو يراسل الشركه الام

     
  3. لا تعلييييق شي يقهر

     
  4. اي وكيل الجميح وﻻ التوكيﻻت العالمية

     
    1. كنت اتمنى من كاتب الموضوع وضع أسم الوكيل وعدم التستر علية ، لأن هاذا أحد الأسباب اللي خلت الوكلاء يتمردون ولا يحترمون العملاء ( يجب التشهير بهم وعدم السكوت على هاذا الأمر )

       
  5. اتمنى ان المهازل هاذي ماتستمر

     
  6. الصيانة في الوكالات ماشية بالبركة
    حتى في تعبئة الزيت يعبي المحرك فوق طاقته و لا يعاير الزيت
    بعدين أنت يا صاحب السيارة غير صوف المكينة بسبب ان عامل الوكالة ما كان يعاير الزيت بعد التعبئة

     
  7. دي او دبل h

    بس فيه فلتر ينظف الشوائب لو كان فية شوائب

    اجل وش اقول انا الي اغير في ورشه عند البيت والعامل يكب الزيت وهو يدخن ويشرب شاهي ههههه

     
  8. عبدالعزيز الزعبي

    والله قهر الواحد شاري سيارة ولا شاري (هم)…..!!
    إلى متى هالوكالات لاعبين بالناس…؟ ليش ما ننظم حملة مقاطعة تحرقهم حرررررق…!؟

     
  9. الزبده كبوته موب مغبر وبس !

     
  10. أبو يمن يغير زيت أحسن من الوكاله
    والله في أكثر من محل يغير زيوت بنظافته عاليه وعده جديده وكامله
    وأرخص
    بس عيبهم الوحيد الزيت بعض الأحيان يكون مضروب أو مخزن تخزين جيد

    أما الوكلات حدث ولا حرج

     
    1. تخزين غير جيد

       
  11. عبدالعزيز الزعبي

    ياشيخ قال مقاطعة
    من جدك؟
    حنا ما صبرنا على حملة خلوها تصدي والوكالات رفعت سعر السيارات بسبب الحملة هذي واخرتها بعد سنتين رح وشريت سيارة
    وتقولي مقاطعة
    ياخي معليش ربعنا ما قدروا الا على مقاطعة دجاجة زااد سعرها ريال هههههههه

     
  12. هيثم كورونالدو

    يا اخوان , انتم مع احترامي لكم يابعد حيي

    فيه ناس هواء الكفر ما يعرف يعبيه ولا يعرف يشيك على الزيت ولا على زيت القير ولا على زيت الدفرنس ولا على زيت الباورستيرنق

    ياخي حنا مطلعين سوبارو من 2001 وكالة اول ما استلمناها وا نعرف شيء اسمه صيانة .. الصيانة كان يسويها الوالد عند البنشري هع ويوم كبرت انا وصار عمري 20 هوايتي الميكانيكا صرت كل يوم يومين اسوي صيانة لنفسي سواء اذا تحتاج تغير سيور او تنظيف حساسات الهواء او الشكمان او تنظيف الثروتل وحساس الثروتل او يعني الزبدة سوي لها صيانه بنفسك انت اخبر من اي واحد بسيارتك , الحين السوبارو ذي قول لي اي خراب او اذا فيها اي صوت اي رجة اي تخنيقة اقولك وين السبب وافك واصلح وزي الحلاوة , اعتمدو عى نفسكم وخل عنكم الكسل وقلة الحيا

    قب لا تروح عند اي واحد مع احترامي لكم فك الكبوت عاير الزيت فك اللديتر شوف الموية شيك على زيت الكلتش او زيت القير زيت الباور الزيوت الثانية شيك عليها ماتاخذ منك شيء لا والله وبالعكس لو محافظ عى تغير الزيت بانتظام مع السيفون في كل مرة اضمن لك المكينة بتعيش ولو محافظ على تغير فلتر الهواء بنفسك وتنظيف الثروتل راح تكون معاك زي الحلاوة مجاري الهواء نظيفة الفلتر نظيف والعزم احسن وافضل من اول

    سوي لها صيانه اذا ما تعرف تركب بعض الاشياء فقط افتح الكبوت واقعد تأمل بالليات والمكينة والفلتر وشوف كل واحد وين يوصل وبايش مربوط مع احترامي لكم بس ابغاكم تخلو عنكم شغل الصيانة

    وماهي نهاية العالم لو طلعتو سيارة وكالة وانت سويت لها صيانه بنفسك ان كانت تحتاج تغير زيت روح البنشري وخله يغير زيت اما اذا موية او فلتر او تنظيفات انت سويها بنفسك
    هذا والسلام عليكم

     
    1. والله كلامك ذهب … انتو شباب وما هو عيب انك تفتح الكبوت وتشوف الزيوت وباقي السوالف بالعكس تراه سهل

       
  13. والله ياصيانه ال جميح انهم اكبر حراميه واسئلو كثير من العاملين فيها او الزبائن بيقولون بلاوي لكم

    واحد من الشباب كان شغال في ورشه الجميح المهم اخذ الفني سياره العميل يجربها وصدم عليها
    وجاء الزبون وامهلو استلام سيارته وصلحوها له المهم هذا الشاب ماقدر يبيع ذمته واتصل على صاحب السياره وخبره باللي صار وصارت قضيه كبيره وشكاوي وزميلنا ترك الشغل عند الجميح فرع بريده

     
  14. السلام عليكم.

    ياجماعه اصلا مافي صيانه عند الركلات ولا خدمة عميل كله سيء
    اناعندي جراند شيروكي 2011
    المصنع مايجيب قطع اصلا للوكيل
    والوكيل ماعنده فنيين
    يعني المصنع مسؤول عن عدم توفيره القطع والوكيل مسؤول عن عدم توفيره فنيين
    يعني الله يعين
    وينك ياوزاره هذا لا يجوز
    ياوزاره تحركي مش لازم نصير 100 عشان تتحرك
    كل شخص لازم ومن حقه ياخذ الخدمه
    لانكم انتي ياوزاره التجاره اللي عطيتي الوكاله الحصريه
    ياوزاره انا بقولها وبوضوح اذا لم يتم الغاء الحصريه من قاموسك لن ولم ولو بعد 100 سنه المواطن او المقيم رح ينعم.الخدمه الممتازة خذي بالك انا اقول خدمه ممتازه مش خدمه ماشي حالها.مارح نرضى بالقليل
    فكونا من الحصريه عشان المستهلك الله يصلحكم
    والزمي الشركه.الام تحترم السوق السعودي ولا امنعي المنتجات من دخول السوق
    اي.نعم.خليكي قويه السوق السعودي سوق مافيش لعب عشان كل شركات.السيارات تحط.ببالها وتحسب الف حساب قبل ماترسل منتجاتها ومش بس للسيارات لكل.برغي في السوق

     
  15. هذا الجميح فرع خريص حسبنا الله عليهم

     
  16. أنا عندي مرسيديس موديل 86 وأغيرها زيت بين كل (6-9) شهور + فلتر بمبلغ 102 ريال

     
  17. والله كل م اشوف خبر عن شركة سيارات احمد ربي اننا شارين الجمس من العيسى مو من الجميح ولا البقية ..
    و بعدين من جد ابغى افهم وش جوه اللي يغير عند الوكالة وصيانة كل 5 آلاف و كل مدري وشو ؟؟
    والله انا ما اوديها الا للكبيرة ( 25 . 40 . 60 )
    وبالنسبة للاسعار .. اغير الزيت و الفلتر كل مرة عند الوكالة ب( 188 ) ريال ، يوم عرفة هذا كنت احتاج اغير زيت والوكالة مقفله طبعاً .. رحت لخوينا البنشري طلعت حول 280 !!
    بعدين هونت قلتم ماله داعي يصير شيء واقعد اوسوس .. رحت بترومين طلعت ب305 !!!! صح اني احس ان اجهزتهم متطورة اكثر من الوكالة ( طبعا لاني م قد شفت الوكالة )
    لكن الوكالة ارخص حول النص بالسعر و الشغل اضمن يعني لو صار شيء ولا شيء اقدر احاجهم
    ثاني شيء العيسى صراحة افضل مافيه م يكون زحمة وخدمته سريع _ دايما اجيه في اي وقت من اوقات الدوام واحط الموتر ارجع آخذه بعد ساعة او ساعة ونص ( هذا تغيير الزيت اما الصيانات الكبيرة ياخذون من 4_5 )
    امما بعض الناس يقول احجز موعد عشان الصيانة !!!! ( سلماة يغلي ) .

     
  18. انا اشوف اغير زيت سيارتي واعمل لها صيانه عنده ورشه عاديه على الاقل كل شغلهم تحت عيني وشغل نقول انه نظيف انشاء الله حسب الفني بس اوديها وكيل وياخذ 900 ريال على شغل حتى محل البنشر ماسواه لاوالله. .

     
  19. انا موتري كابريس 2006 غني عن التعريف من ناحية الخرابات و الاعطال,,, اقسم بالله ماقد عدا بوابة الصيانة حقت الوكالة ولا شافها بعد,, كل صياناتي برا سواءاً زيوت عند الابناشر او تغير قطع عند ورش الصناعية و ماشاء الله و لله الحمد ماندمت اني سحبت عالوكالة ابد و اشوف انه ماعندهم سالفه من تجارب زملاء لي لهم وانصح اي واحد معاه موتر يصلح سيارته برا عند الورش

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة