بورشه ماكان من أمريكا.. وش رايكم…؟

10340
6

السلام عليكم ورحمة الله ،

شباب ناوي بإذن الله أشتري بورشه ماكان (٢٠١٥) ،، خذت القرار بعد ما لفيت لف على السيارات ،،
سألت أصحاب الأمريكي ، قالوا لي ما يطول أكثر من خمس سنين (طبعاً على حسب الاستخدام)،
والياباني أنا مجربه .. ممتاز واقتصادي،
فكرت كثير في تيسلا… لكن لسببين غيَّرت رأيي ،الأول سمعت (ولازلت أتحقق) أن صاحب الشركة يهودي !والسبب الثاني هو أن الإمارات لا توفر محطات شحن السيارات الكهربائية حتى الآن…
أشعر أنه حان الوقت للألماني،، خصوصاً أني محتاج سيارة لاستخدام يومي ثقيل وأحيانا أضرب خطوط….

مريت على الوكيل عندنا في الإمارات وشفت الأسعار، لازم تنتظر ٦ شهور حتى يشحنوا السيارة..
لما شفت أسعار نفس السيارة من أميركا بنفس المواصفات .. طلع الفرق ٦٠ ألف ريال..!

بعد ما حسبت الشحن (بحري في كونتينر) والجمارك اكتشف أني بوفر إن شاء الله تقريباً ٣٠ ألف …

فمباشرة قررت أشتري السيارة من برع ..
المشكلة الوحيدة أن العداد يكون بالميل/ساعة بدل من الكيلو/ساعة

ما قد اشتريت سيارة من برع سابقاً
ما رأيكم..؟